Van kinsbeen af wou ek nog altyd n Juffrou geword het. My kinder speeltyd het bestaan uit juffrou-juffrou speletjies, my ma het ook nooit nodig gehad om te vra hoe my dag was nie – ek het my skooldag elke middag uitgebeeld deur met my teddies in die middae te speel, so my ma het presies geweet met wie juf Annetjie die dag in die klas mee geraas het, hahahaha. In Std. 1 was ek deel van die voortrekkers in Kimberley en een Saterdag het my nig en neef ons na `n plaas toe geneem om vir plaas kindertjies skool te gaan gee – ek dink daar het my grootste liefde begin om n juffrou te word. Natuurlik was ek ook maar net 9jaar oud, maar om daai gesiggies te sien inkleur en my juffrou te noem het ek sommer geweet dit is wat ek wil doen. Na skool het ek die geleentheid gekry om by n kleuterskool aan te sluit Bambino Montessori Cullinan. Ek het daar en dan geweet dit is wat ek wil doen vir die res van my lewe – om te sien hoe elke kleintjie groei elke jaar en hoe hulle verbeter was vir my `n ongelooflikke lekker gevoel. Ek het 2013 my NQF Level 4 begin en 2015 voltooi. Ek het by Bambino Montessori gewerk, en het hulle verlaat om te sien of ek kantoor werk kan doen – maar o nee genade die kantoor was nie vir my nie. Ek was vanaf 2011 tot 2013 by n kantoor werk doenig, en 2014 is ek terug Bambino Montessori toe. Einde 2017 het ek weer bedank en 2018 het ek my eie kleuterskool oopgemaak van ons huis af. In n jaar het die Kleuterskool te groot gegroei om te kon aanbly by die huis en moes ons n groter plekkie kry. Met die hulp van my man af kon ons `n ander kleuterskool oor koop, en ons groei saam met die skool.